Author Archives: 英式主婦 British Housewife

14680692_1669899353321131_2848203568822706823_n
冰糖雪耳燉蘋果 開埋我其他買咗的Lava大小鍋,鍋中鍋燉嘢真係一流,而且真係唔貴,完全冇話要十級小心地用的感覺,好liberating! 今次做的是中式燉糖水。我同我老公都怕煮熟生果,蘋果同梨例外,因西餐有蘋果批呀poached pear呢D,所以易D接受。而我老公一向對中式糖水冇興趣,但呢個雖然中式但有西式甜品味,佢食完竟然話叫我得閒再整! 用鑄鐵鍋去做燉品好處係鍋保溫性強,水份流失少,所以可用小火慳火地燉,燉完唔開佢幾個鐘keep住暖!燉完放住,煮完食完餐飯先食個甜品,溫度啱啱好呀! 材料: 1. 小蘋果 1-2個 2. 雪耳 1朵 3. 冰糖 2小粒 4. 水 約200ml 做法: 1. 雪耳洗浄、浸約20分鐘,剪去㡳部硬的部分再沖乾淨。 2. 蘋果洗浄,連皮切角並去芯。 3. 蘋果、雪耳、冰糖、水全部分兩份放入兩個10cm的鑄鐵小鍋,蓋上蓋子,放入大鍋內。 4.在大鍋內倒入清水至小鍋約一半的高度。蓋上大鍋蓋子,大火煮至2水滾,再轉小火燉約15-20分鐘即成。
0 Comments | Posted By